Ние сме тоа што го јадеме.
Квалитетот на храната што ја конзумираме ја гради секоја клетка во телото, ни дава енергија, влијае на нашето здравје и начинот на кој се чувствуваме. Медиумскиот простор е секојдневно исполнет со совети како е најдобро да се исхрануваме, што да внесуваме, како да готвиме, разни видови т.н. „супер храна“ и трендови кои се шират низ целата земјена топка. Додатно на тоа, секојдневно сме бомбардирани од разни промоции, акции, попусти и 1000 причини зошто одреден производ ќе ни ја направи фигурата повитка, а животот подолг.
Во таквата конкурентна трка кон инстант здравје, попатно заборавивме дека за квалитетот на храната најмногу придонесува средината во која се одгледува, а за целокупната добросостојба е клучна хуманоста на условите за нејзиното производство. Зашто, нема здравје иако секое утро редовно го пиеме своето зелено смути со авокадо, кога производството на истото авокадо предизвикува масовна сеча на шумите во Мексико. И покрај тоа што трендот диктира дека киноата е супер храна на иднината, неминовен е фактот дека токму поради овој тренд настана ерозија и опустушување на почвите во Боливија, оставајќи ги локалните жители без доволно количество храна.
Егоцентричен глобален консумеризам или свесно локално производство?
Времето покажа дека постојниот глобален систем на исхрана е неодржлив; тој е еден од главните фактори кои го доведуваат светот до раб на еколошка катастрофа. Сметаме дека е важно да посветиме внимание на начинот на кој храната стигнува до нашата трпеза поради следните 5 фактори:
1. Грижа за себе и своето семејство
Амбалажираната и преработена храна најчесто содржи коктел од конзерванси и адитиви за да го продолжат рокот на полиците во маркетите, а со тоа внесуваме состојки стихијно го оштетуваат здравјето. Препорачуваме: избор на храна која има што пократок пат од местото на производство до крајниот пласман, рефус производи и информирање за состојките наведени на амбалажата.
Нудиме неделна органска кошничка за целото семејство, дознајте повеќе тука.
2. Нутритивна вредност на производот
Актуелната слободна трговија наместо планското локално производство навистина направи непотребен хаос во светот на храната: еден килограм домат може да помине долг пат меѓу повеќе континенти за да стигне до својот краен потрошувач. Бидејќи природно не може да го издржи тој пат, производот се третира со отровни синтетички супстанци кои предизвикуваат деградација на почвата и човековото здравје. Познато е дека секој свеж производ е најдобро да се конзумира што побрзо по бербата, поради највисоката нутритивна вредност. Препорачуваме: храна од локални производители, здружување во задруги.
Станете член на првата задруга на потрошувачи на органска храна преку која остваруваме директен контакт со секој производител! Дознајте повеќе тука.
3. Одржливи земјоделски практики
Индустриското земјоделство е еден од најголемите загадувачи и причинители на еколошка катастрофа поради: користењето пестициди, експлоатација и загадување на водните ресурси, уништување шуми и џунгли за одгледување монокултури, загрозување на екосистемите и истребување на дивите животни. Претераната експлоатација ја осиромашува почвата, а со тоа и го намалува квалитетот на храната. Препорачуваме: избор на храна која е произведена со грижа за природата, има сертификат и соодветна анализа.
Разгледајте ја нашата понуда тука.
4. Поддршка на локалната економија
Со купување од домашни производители кои ја одгледуваат храната на одржлив начин, директно вложувате во финансиски и еколошки развојот на својата заедница. Тоа значи поголема мотивација за преминување од конвенционално кој одржливо производство, сигурен откуп, фер цени за вложениот труд, здрава храна и животна средина.
Сите производи од нашата понуда се локални, разгледајте ги сите производи тука.
5. Намалена емисија на СО2
За локална храна се смета онаа која поминува пат од најмногу 400 км, но најквалитетна е онаа храна која минала пат до 160 км од местото на производство до местото на краен пласман. На тој начин, таа стигнува во своја најсвежа форма, се минимизира загадувањето направено со транспорт и издувни гасови, како и количеството амбалажа потребно за да се пренесе.
Здравјето на планетата е предуслов за здравјето на секој од нас!
Во својата работа, Добра Земја ги исполнува сите горенаведени принципи, повелете на Дрезденска 15 на локално произведена и проверена органска храна.
